Ciidamada Dowladda oo la wareegay Xarunta Radio Gedo

Wararka ka imaanaya Gobolka Gedo ayaa sheegaya in saacadihii la soo dhaafay ay Ciidamada Dowladda Somaliya xoog kula wareegeen Xaruntii Radio Gedo.

Xarunta Radio Gedo oo ku taala Degmada Doolow ee Gobolka Gedo ayaa waxaa xoog kula wareegay Ciidamada Dowladda, iyadoo sababtana aan la aqoon.

Ciidamada Dowladda oo gudaha u galay Xarunta Radiyaha ayaa shaqaalihii markaasi ku sugnaa ku amray inay si deg deg ahi uga baxaan Xarunta Idaacadda.

Wararka ayaa sheegaya in Ciidamada Dowladda ee la wareegay Radio Gedo uu horkacayay Kabtan Gaagaale, oo ka tirsan Saraakiisha Ciidanka Xasilinta ee Gobolka Gedo.

Ururka SOMA oo ka tirsan Ururada Saxaafadda ee dalka ka dhisan ayaa cambaareeyay tallaabada lagula wareegay idaacadaasi.

Maxamed Cabdiwahaab Cabdullaahi, Xoghayaha Ururka SOMA ayaa si deg deg ahi ugu baaqay in dib hawada loogu soo celiyo Radio Gedo.

Xoghayaha oo la hadlay Warbaahinta gudaha ayaa tilmaamay in Radio Gedo uu hawlo muhiim ahi u haayay dadka reer Gedo.

Faallooyin