Madaxweynaha Puntland oo la kulmay Masuuliyiinta Wasaarada Maaliyada iyo Bankiga Dhexe.

Madaxweynaha cusub ee maamulka Puntland, Saciid Cabdullaahi Deni ayaa maanta kormeer shaqo ku tagey xaruunta Wasaaradda Maaliyadda iyo Bangiga Dhexe ee magaalada Garowe.

Deni oo kormeerkiisa ku wehliyay Madaxweyne ku xigeenka cusub, Axmed Cismaan Karaash, ayaa la kulmay Mas'uuliyiinta wasaaradda oo uu ku jiro wasiirka, Cabdulaahi Siciid Carshe (Dhaqaaje).

Wasiir Dhaqaaje ayaa Madaxwaynaha warbixin guud ka siiyay xaalada dhaqaalaha Puntland, howlaha wasaaradda iyo arrimo kale.

Deni ayaa Wasiirka maaliyadda wax ka weydiiyay inuu dhaqan­gelay amarkii uu ku xannibay maalintii la doortay 8­dii bishan in lacago lagala baxo akoonada maamulka ee Bangiga iyo xawaaladaha gaarka loo leeyahay, maadaama uu isbedel dhacay.

Madaxweynaha ayaa sidoo kale kormeer ku sameeyy xarunta Bangiga Dhexe ee Puntland.

Kulankaan ayaa imaanaya maalmo kadib markii Madaxwayne Deni uu amar ku bixiyay isla saacadiiba la doortay inaan wax lacag ah lagala bixi karin koontada ay Puntland ku leedahay Bankiyada gaarka ah iyo midka ay PL maamusho.

Madaxweynaha cusub ee Puntland, oo dhaqaalo yahan ah ayaa lagu rajo wayn yahay inuu wax badan ka bedali doono dhaqaalaha Puntland oo hoos­u dhac wayn uu ku yimid iyo musuq­maasuq xargaha goostay 5ta sano ee uu xafiiska joogay Gaas.

Faallooyin